玩了幾日除了去富良野叫做比較啱妹妮玩，摸下動物，睇下花之外，都無咩活動啱妹妮玩，今日打算搵Ｄ活動比妹妮。今次再住同一間酒店，我地book埋早餐，唔駛出街撜食。
間酒店餐廳係頂樓，不過扎榥無咩高樓大廈，頂樓都係１３樓，已經可以遠眺扎榥站。本來有個空中花園可以坐室外食，但係今日無開，無得出去。
早餐後去攞車，原來呢度Ｄparking好自動化，只要停好架車，吊架就會運架車上架，好先進呀。
今日去丘陵公園，聽講呢度有Ｄ大波波碌落山好好玩架。我地一入場就借架ＢＢ車，免費架！
呢個係公園既地標，好多小朋友係度彈來彈去，又可以sir落黎，不過妹妮興趣不大。
叫佢走過呢邊玩，直頭掉頭走
要爸Ｂ捉住佢sir滑梯先ＯＫ
因為最想係去玩水囉！！一入呢個公園就見到呢條河，妹妮已經心郁郁想玩。好彩早有準備帶多套衫，諗定可能有得玩水，妹妮可以盡情玩到濕透為止！
有水玩咩都得，雖然笑容就勉強Ｄ！
好多大人都除晒鞋一齊踩下水
大熱天時，有得踢下水，真係涼浸浸，好爽架！！
爸Ｂ死都唔肯除鞋一齊玩
妹妮自己一個都自得其樂，其實唔駛我地陪佢玩都得。
就係咁玩左成個鐘水喇！！橫掂濕晒，索性瞓身去玩。
換好衫我地去玩sir 滑梯，呢度幾休滑梯都好長架，仲有頭盔比細路戴。
妹妮硬係唔敢自己sir啦，又係要爸Ｂ墊住佢sir。
sir完大滑梯又番兜細滑梯
都係要爹Ｄ抱住sir，但係都開心都飛起！
跟住入去個蜂巢入面玩
呢度個設計好得意架，好多吊住既沙包，Ｄ網又可以比你捐入去
可惜睇雜誌介紹碌大波波，由山頂碌落地下個part今日無開，無得玩
玩左兩個幾鐘，我地就走了。其實呢個park好大，係一個好好既親子地方，淨係比Ｄ細路自己玩都玩到成大半日！不過妹妮體力有限，放兩個鐘電都已經謝晒！
下一站就去爸Ｂ恨左好耐既outlet，呢個三井outlet今年四月先開幕，睇過個shop list D鋪頭都好似OK，有ne-net/mecibeacoup，大路i.t 牌子as know as，abahouse，beams，page boy，名牌如D&G，burberry，Armani等都有。。。應該ＯＫ呱
去到beams，妹妮睇中呢頂雙面帽，我都好鐘意架！不過爸Ｂ話妹妮太多帽了，今個trip又買一頂，但係平時又唔會成日戴所以都無買。
不過妹妮就無賠底試完又影晒相，照晒鏡！
行左一輪其實唔係買左好多野咋，反而爸Ｂ以件數稍勝。好彩個food court有好多野食，我地上到去仲有兒童corner，大人可以食得安樂了。其實香港Ｄshopping mall好應該參考下呢Ｄ設計啦。
帶廣元祖豬肉好出名架，我地無去帶廣都要食番餐！Ｄ豬肉好肥美架，我唔食肥就覺得肥左Ｄ，不過味道就好好既。
爸Ｂ就食左個咖哩豬扒
之後見到cold stone雪糕，我地又排隊食。美國都有cold stone架，不過去親日本個Ｄ鋪都係排晒長龍，有次同爸Ｂ係六本木想買黎食，點知條龍長到癲。我問妹妮想食咩雪糕，呢度招牌就係用塊凍板將唔同材料／雪糕炒埋一碟。但係妹妮只係猛指住個朱古力waffle話要this one! -__-"，睇黎佢想食個cone多Ｄ囉，咁即係咩味呀？
輪到我地喇！！我地點左朱古力雪糕加香蕉，聽落都覺得yummy呀！！
個姐姐會話你知佢而家炒緊你個杯，仲同其他員工一齊邊唱歌邊炒雪糕。炒緊既就係我地既朱古力雪糕＋香蕉喇。
果真好yummy噃！！８００円都值得既！
行多一陣我地就揸車返大通站行多次百貨，因為呢度都係無咩買呀，去parco同丸井作最後衝次。之後上parco樓上求其揀間餐廳食飯，點知除左有私傢卡位外，個姐姐仲捧左一盒玩具比妹妮揀黎玩！
妹妮揀左個吹氣青蛙
唔記得係咪扭計，又比爸Ｂ閙，妹妮開始扁咀仔
呢幅兩渦眼淚懶可憐咁
喊喇！喊喇！有時真係好naughty架，唔抵幫架！喊個時仲好鬼醜樣潻！
又點了牛肉，前所未有係一個日本trip食咁次牛肉！
壽司set
再加個魚生飯set，三個人叫三個set！因為妹妮都食嘛！
呢碗就係妹妮碗飯仔喇，有牛肉碎＋魚籽（佢叫做bubbles)＋南瓜，豆角碎，所以都好yummy架！
妹妮自己𢳂比自己食，呢個時候終於覺得佢乖嘞！！都係食晒成碗呀，我地最開心就係見到佢食晒Ｄ野。
一落到街妹妮無啦啦做左交通警，係度指揮交通-___-"
係百貨買滿２０００円就有９０分鐘免費泊車！我地都係補小小錢就泊足兩個鐘喇。臨返酒店前兜去簿野睇下夜景
妹妮發揮佢藝術天份影下夜景
爸Ｂ將架機掉轉方向，妹妮影番自己，佢睇番架相機仲話 I see my face!!! 笑死人！
成個trip都無咩買晒，我買左咁小小咋。今年日本好興碎花，所以見大減價都支持下啦！
妹妮例必大豐收啦！不過黎北海道都預左無咩野買，希望快Ｄ有機會再戰東京啦！
No comments:
Post a Comment