自６月３０日妹妮放暑假開始連續幾日都有節目，又到weekend，今個星期有假放可以同妹妮去下街街。
一早去elements飲茶，趁朝早未太晒又開下篷，開左篷之後視野廣闊好多，妹妮除左要touch the sky之外仲左指右指。
成個Elements好似有呢間餐廳開９點，就去飲下茶啦。
飛毛腿
特點係可以叫呢個拼盤，唔駛叫咁多碟點心囉不過勁貴，二個人幾碟野成三舊水，可以去海運飲兩次，去海逸飲三次了！
而家經過親麵包鋪妹妮都話要買呢種買個種，我地次次都無買架，因為買左都係咬兩啖就掉低。
十點幾想上去公園玩一陣，但係已經開始晒了，妹妮一坐低想sir滑梯都即刻彈番起話滑梯好熱
唯有走去另一邊玩下un un 車啦
而家真係好熱，十點幾都好晒，去公園只可以一陣妹妮都成頭大汗，我地唯有番落商場逛一陣。去到Ｈ﹠Ｍ，妹妮又玩撲呢呢，呢埋係Ｄ衫入面。
爸b買到野妹妮自薦做阿四拎戰利品。
呢個女暫時都未有女仔矜恃，見到梳化就唔客氣大字型瞓上去
下晝瞓醒晏覺我地出動去香港歷史博物館
上次得爸Ｂ單挑帶佢黎，今次媽咪都可以黎呀。
爸Ｂ話入面都幾大，好多野睇喎。
主要係講下香港歷史，好似以前係由漁港開始發展咁，有漁船模型
入面模倣漁船船倉生活環境
有喜事時會有大紅花鞽
以前的祠堂
最搞笑係妹妮扯住我地話要睇呢３個‘three big men’，爸b話佢上次好驚呢３個大公仔架。
今次唔驚之餘仲想去睇，影相都唔驚。
長州包山
仲有講番鴉片戰爭，妹妮一見到個石像就問who is this?呢個係林則除呀，不過講你都唔明啦
館入面仲有條舊街，妹妮居然走去搞人Ｄ香蕉。
上次都有坐呢Ｄ櫈仔架，可能上次爸Ｂ單挑帶住妹妮影唔到相，d相又唔靚。睇相時覺得個博物館無咩睇，原來呢度Ｄ展品都唔係想像中悶，都有幾多野睇既。
啱啱７月起仲多埋個旗袍進化史潻！睇到好多件由清朝至現代既旗袍，可惜唔比影相，所以無得影囉。
No comments:
Post a Comment