期待左成個月既北海道之旅終於出發了！！之前忙左成個幾星期，搞掂晒手頭上Ｄ野，諗住去得安安樂樂，點知Ｄ電話都不停響！已經無較香港鈴聲，希望Ｄ人聽到會識do收線，點知都仲有好多無聊電話打黎，真係聽到電話響話覺得煩！
一早去機場食完早餐，準備起飛了！
我地去東京就去得多，北海道係第一次咋，希望會好好玩啦！
又做導盲犬plan 去邊，事前只係大既有Ｄ概念要去邊，不過無咩詳盡計劃，去到先算啦。由於班機好full，網上無得畫位，要一早去機場check in。但係我地早左兩個半鐘到都畫唔到３個一齊坐，於是唯有希望有人肯掉位啦，因為我地有一個掉到去老遠呀。於是希望同一對老夫婦掉位，點知佢地見到爸Ｂ抱住妹妮都無動於終，話唔肯掉，想睇風景咁話。。。係，無話奉旨要掉比我地，好彩隔一行有人肯掉位，我地分開坐，不過只隔一條行。
點知個阿伯起飛後成日要去厠所，咁你就唔好坐咁入啦！個老婆仲話係呀，佢忍唔到架。咁點解你地唔肯坐aisle位呢？終於坐到機程一半佢地提出話掉位！真係sorry，我地已經坐到一半，而且又只隔一條行，加上妹妮瞓著左，我地而家睬佢都傻！
妹妮又唔食飛機餐嘞，希望今個trip唔會餓親。
４個半鐘好快又過，我地去到千歲機場了！嘩，勁多人，排左成半個多鐘先過到關！
千歲機場離市中心都幾近，我地坐ＪＲ，1000円左右
唔駛４５分鐘就到扎榥了，不過我地望出𥦬外，好似無咩高樓大廈咁既。。。同去開既東京差好遠咁噃。。。
不過見地圖有齊parco，有丸井，loft，應該都有好多野賣呱。離ＪＲ站兩分鐘就係我地間酒店了，呢個Fino Hotel雖然唔係旺區個邊，不過都算好方便，而且好新淨。
整頓一下先諗起我地未食lunch，嗱嗱聲去樓下見到間mos burger醫一醫肚先。我右邊有對痴纏couple，妹妮見到個女仔瞓晒落個男仔度，同我地講she is a baby! -__-"
細路仔咪咁八掛啦！
雖然３點半落機，不過排隊過完關都５點又搭下火車，check 完in 出得黎玩已經６點幾有多了，今晚就咁行下算了，呢個係扎榥站了。行去東急百貨，Ｄ野好似好outdate 下，一Ｄin D既牌子都無，而seibu好似都執左。我地諗住行下所以無帶地圖，無行去簿野咁遠，不過爸Ｂ就話扎榥好似無野行咁，又無東京咁方便一落街大把野食，印象麻麻啫。
都係返去ＪＲ站上面個商場行下，本來想去食壽司或燒肉，點知又大排長籠，妹妮又大嗌肚餓，我地入左去和幸食吉豬。
橫掂每次去東京都會食，今次都走唔甩架啦，今晚食左先啦。
呢個滑蛋豬扒Ｄ蛋好好味，不過妹妮今日都好moody，唔肯食野。好彩呢間餐廳次次都比碗飯仔Ｄ細路，再加包調味粉，雖然無咩益，但係妹妮都靠包調味粉扒左一碗飯仔！聽日再玩過！
No comments:
Post a Comment