挑戰toy story帶妹妮去睇戲--失敗篇

星期日例牌動作去飲茶

妹妮開始發現炸物特別香口，而家特別鐘意食呢Ｄ春卷，蝦角等炸野。

飲完茶又例牌去公園兜番轉先

妹妮自己玩其實都自得其樂，玩得好開心。

得閒就走埋去爸Ｂ度咋嬌要扮ＢＢ

只係成日要我地望住佢，郁Ｄ都大叫爹Ｄ同媽me

玩下下有對３歲同兩歲既姊妹黎左，我地唔相識架，不過妹妮好唔客氣走埋去同人玩。而因為兩姊妹講野都好叻，所以３個你一句我一句就玩埋一齊。我都係第一次見妹妮同朋友仔玩之餘有咁多溝通！平時係playroom玩開幾個朋友仔就算大個妹妮都唔多講野架。可能妹妮鐘意同人傾偈，所以同呢兩姊妹好夾，聽佢地Ｄ對話真係好得意！又話bird fly down to the sea，個家姐又好禮讓叫妹妮坐佢架單車。。。

星期六大姑媽比左兩張免費戲飛我地星期日去睇toy story ３，我地即刻諗住帶妹妮去睇，因為佢除左上次去hello kitty land入面間戲院睇過十分鐘３Ｄ鬼太郎之外都未去過戲院。今次當係挑戰一下，睇下佢驚唔驚。

去到戲院硬係影相留念啦，第一次噃！！

妹妮知道邊個係woody，邊個係buzz light year，所以知道有戲睇都好興𡚒咁。

因為係free seating，爸Ｂ就叫我埋去問下駛唔駛換飛，定係就咁入去就得。個職員話free seating會係放影前半個鐘有圍欄比人排隊，但係仲有十分鐘就開場點解都唔見有圍欄既？職員話：小姐，張飛係７月１８日架，今日７月１１日咋噃。。。即時語窒。

原來張飛下星期架？？？好彩未買爆谷咋！我地下星期日都飛左喇，又無得睇了。既然一場去到商場，咪食埋飯先囉。

就係咁就食左餐梅林嘞，之前去K１１都食過，不過爸Ｂ話呢間好食Ｄ。

招牌吉豬

妹妮就食鳥冬，上次去東京妹妮食得好小野，成日都係飲奶，希望今次去旅行會食多Ｄ啦。有鳥冬，有飯，有拉麵，ＯＫ呱？最緊要唔好瘦過未去前就得喇。

飯後甜品仲有gelato，妹妮食左大半兜呀！