七。二去迪士尼

因為之前應承過妹妮帶佢去迪士尼，點知又遇著大雨迫住去outlet，今個星期趁有小小空當就入去玩下。其實爸Ｂ話咁熱不如唔好去，但而家唔去就更加小機會去了，將會愈來愈熱嘛！加上自生日時買左個pass都未用過，無理由比佢未用過就expire架嘛，所以時間短短都去下啦！

因為我同爸Ｂ都返左工，yayaGigi幫妹妮換定衫等去街之際順便影下相。

得佢地兩個時，yayaGigi叫親妹妮影相佢都會自動擺甫架!

不過靚唔靚就閣下自理嘞

總之佢就好enjoy be a model啦！

我地終於趕到返屋企嗱嗱聲換衫，５點鐘準時出門

去到喇，我地忘記帶Ｂ車，諗住妹妮會自己行啦，因為佢知道有得去已經好興𡚒喇，點知去到又要抱抱

今日真係勁熱，唔郁都可以出汗，我地第一時間搵間鋪入去過下冷河先

去到大街，原來５：４５有巡遊呀！仲有十分鐘，硬係霸定位先。對面無太陽晒既位已經坐滿人，我地唯有坐邊邊無太陽既位啦

一陣就連隔離都坐滿人了

呢個巡遊好細規模架，可能同平時３點個Ｄ唔同，不過有Ｄ平時小見既卡通人物，妹妮識叫呢個做Ariel。

嘩，睇得幾開心！吖到個口幾大！

之後原來叫Ｄ觀衆一齊參與出去跳舞同玩沙灘波架，不過妹妮唔知做咩又驚，話要坐係度唔肯行出去。

係我行左出去佢夠膽行下，出去執Ｄ米奇頭紙炮

已經成６點，但係仲好好陽光呀。妹妮熱到臉豬仔都紅晒

佢今日唔知係咪熱既關係，好moody，問佢玩咩都話no。明明好恨黎玩架嘛，點解黎到又驚到咩都no呢？騎馬仔就話yes，但係唔自己一個坐，係要一齊坐囉。

跟住話去玩winnie the pooh，我都估佢會驚，因為入面黑媽媽又有雷聲。之前玩咁多次都要揞住雙眼，仲有次驚到想喊。初初入到去個景咁靚都仲同Ｄ公仔揮手say hi 架。

不過一去到黑既位就呢係爸Ｂ手入面，望都唔敢望。有咩咁驚呢？反而愈大個愈識驚，而家好似好細膽咁。

玩小飛象唔驚喇呱。

做咩咁驚訝呢？

原來連坐小飛象都有Ｄ驚，唔肯自己坐。叫佢我揮手，都係孚顯下就算。

玩左一兩個圈開始放鬆Ｄ了。

之後又話去玩咖啡杯，都係問過佢話好先去玩架。

但係點解笑得咁勉強架？不過玩既時候都算relax既

最後因為咩都話唔玩，連離遠見到米尼企係個亭同人影相都話唔去，所以今日都突破紀錄一隻卡通人物都無合照過。

去到玩水就話ＯＫ，不過初初都係唔敢掂Ｄ水，係後來掂過先開始肯玩。

點知一發不可收拾，玩開有條癮，叫極都唔肯走

開始周圍走，同埋其他小朋友一齊玩潻

又一齊玩水，仲學人撥水，件衫濕到可以扭出水！

差唔多放煙花了，快Ｄ換好衫去霸位睇煙花啦。

Ｄ煙花雖然唔係好大型，不過配埋Ｄ音樂都幾好睇架。

妹妮都睇得好開心呀！

８點鬆Ｄ我地就走人了，今次黎得３個鐘，不過因為天氣好熱，真係好謝。難委爸Ｂ仲要成日抱住妹妮。

今個weekend我地有開篷MINI揸呀，原來夜晚開篷又真係幾正噃！因為無擺car seat，妹妮同我一齊坐前面，佢話要touch the sky呀＠＿＠！